ഓ​ണ​ക്കാ​ല​മാ​യ​തോ​ടെ പ​ച്ച​ക്ക​റി​ക​ൾ​ക്ക് തീ വില

കാഞ്ഞിരപ്പള്ളി: ഓ​ണ​ക്കാ​ല​മാ​യ​തോ​ടെ വി​പ​ണി​യി​ൽ പ​ച്ച​ക്ക​റി​ക​ൾ​ക്ക് തോന്നുംപടി കു​ത്ത​നെ വി​ല​കൂ​ട്ടി വ്യാ​പാ​രി​ക​ൾ. ര​ണ്ടു ദി​വ​സം കൊ​ണ്ടാ​ണ് പ​ല​യി​ന​ങ്ങ​ൾ​ക്കും വി​ല കു​തി​ച്ചു​യ​ർ​ന്ന​ത്.കോ​വി​ഡ് കാലമായിട്ടും ഓ​ണ​വി​പ​ണി ചെ​റി​യ​തോ​തി​ൽ സ​ജീ​വ​മാ​കാൻ തുടങ്ങിയതാണ് വി​ലക്കയറ്റത്തിനു കാരണം കോ​വി​ഡ് 19 പ​ശ്ചാ​ത്ത​ല​ത്തി​ൽ തൊ​ഴി​ൽ ന​ഷ്ട​വും സാ​ന്പ​ത്തി​ക ബു​ദ്ധി​മു​ട്ടു​മൂ​ലം ന​ട്ടം​തി​രി​യു​ന്ന സാധാരണക്കാർക്ക് നിത്യോപയോഗ സാധനങ്ങളുടെ ​വി​ലകയറ്റം വ​ലി​യ ബു​ദ്ധി​മു​ട്ട് സൃ​ഷ്ടി​ക്കു​ന്നു​ണ്ട്. മു​ൻ വ​ർ​ഷ​ങ്ങ​ളി​ൽ സി​വി​ൽ സ​പ്ലൈ​സ് വ​കു​പ്പി​ന്‍റെ നേ​തൃ​ത്വ​ത്തി​ൽ വി​പ​ണി​യി​ൽ കാ​ര്യ​മാ​യ ഇ​ട​പെ​ട​ലു​ക​ൾ ന​ട​ത്തി​യെ​ങ്കി​ലും പ​ച്ച​ക്ക​റി വി​പ​ണി​യി​ൽ ഇ​ത്ത​വ​ണ കാ​ര്യ​മാ​യ ഇ​ട​പെ​ട​ലു​ക​ൾ കാ​ണു​ന്നി​ല്ല.
ഒരേ സ്ഥ​ല​ങ്ങ​ളി​ൽ ഒ​രേ ഉ​ത്പ​ന്ന​ങ്ങ​ൾ​ക്ക്‌ തോന്നുംപടി യാണ് വി​ല ഈ​ടാ​ക്കു​ന്നത്. വി​പ​ണി​യി​ൽ കൃ​ത്രി​മ​വി​ല​ക്ക​യ​റ്റം രൂ​ക്ഷ​മാ​യി​ട്ടും ​അധികാരികളുടെ ഭാഗത്തുനിന്നും യാതോരു വിധ നടപടികളും ഇതുവരെ ഉണ്ടായിട്ടില്ല. സ​ഹ​ക​ര​ണ ബാ​ങ്കു​ക​ളു​ടെ​യും സ്വാ​ശ്ര​യ സം​ഘ​ങ്ങ​ളു​ടെ​യും നേ​തൃ​ത്വ​ത്തി​ൽ വ​രും ദി​വ​സ​ങ്ങ​ളി​ൽ ഓ​ണ​ച്ച​ന്ത​ക​ൾ ആ​രം​ഭി​ക്കു​മെ​ന്ന​താ​ണ് സാ​ധാ​ര​ണ​ക്കാ​ര​ന്‍റെ പ്ര​തീ​ക്ഷ.