സംസ്ഥാനത്ത് ലോക്ഡൗണ് മൂന്നാം ദിവസത്തിലേക്ക്. പ്രവര്ത്തി ദിവസമായതിനാല് കൂടുതല് പേര് പുറത്തിറങ്ങുമോ എന്ന ആശങ്ക പൊലീസിനുണ്ട്. ഈ സാഹചര്യത്തില് പരിശോധന കൂടുതല് കര്ശനമാക്കാനാണ് തീരുമാനം. അവശ്യ സര്വീസ് വിഭാഗത്തില് ജോലി ചെയ്യുന്നവര്ക്ക് തിരിച്ചറിയല് കാര്ഡ് മതിയാകും. വീട്ടുജോലിക്കാര്, ഹോം നഴ്സ് തുടങ്ങിയവര്ക്കായി തൊഴിലുടമയ്ക്ക് ഇ പാസിന് അപേക്ഷിക്കാം.
സംസ്ഥാനത്തെ റോഡുകള് ഇന്നലെ ഏറെക്കുറെ വിജനമായിരുന്നു. നിയന്ത്രണങ്ങള് ലംഘിച്ചതിന് 3065 പേര്ക്കെതിരെയാണ് കേസെടുത്തത്. വിവിധ യാത്രാ ആവശ്യങ്ങള്ക്കായി ഇ-പാസിന് ഇതുവരെ 1,75,125 പേരാണ് രജിസ്റ്റര് ചെയ്തത്.
ഇതില് എണ്പത്തി ഒന്നായിരത്തിലേറെ അപേക്ഷകളും നിരസിച്ചിരുന്നു. നിസാര ആവശ്യങ്ങള്ക്കാണ് ഭൂരിഭാഗം പേരും യാത്രാനുമതി തേടുന്നതെന്ന് പൊലീസ് അറിയിച്ചു.അതേസമയം, കൊവിഡ് വ്യാപനം കൂടുന്ന സാഹചര്യത്തില് തമിഴ്നാട്ടിലും കര്ണാടകത്തിലും ഇന്ന് മുതല് സമ്ബൂര്ണ ലോക്ഡൗണ് നടപ്പാക്കും. അടിയന്തര ആവശ്യങ്ങളൊഴികെ സംസ്ഥാനാന്തര യാത്രകള് വിലക്കി. 14 ദിവസത്തേക്കാണ് സമ്ബൂര്ണ അടച്ചിടല്. അവശ്യസാധനങ്ങള് വില്ക്കുന്ന കടകള് ഉച്ചയ്ക്ക് 12 മണിവരെ തമിഴ്നാട്ടില് തുറന്ന് പ്രവര്ത്തിക്കും. കര്ണ്ണാടകത്തില് ഭക്ഷ്യസാധനങ്ങള് വില്ക്കുന്ന കടകള് രാവിലെ 6 മുതല് പത്ത് വരെ തുറക്കും. കേരള തമിഴ്നാട് കര്ണാടക അതിര്ത്തികളില് പരിശോധന കൂടുതല് ശക്തമാക്കും.
