പ്രതിപക്ഷ പ്രതിഷേധത്തെ തുടര്ന്ന് നിയമസഭ ഇന്നത്തേക്ക് പിരിഞ്ഞു. ഇന്നലെ സഭയിലുണ്ടായത് കേരള ചരിത്രത്തില് ഉണ്ടാകാന് പാടില്ലാത്ത സംഭവമെന്നും പ്രതിപക്ഷം സഭയുമായി സഹകരിക്കണമെന്നും സ്പീക്കര് ആവശ്യപ്പെട്ടെങ്കിലും പ്രതിപക്ഷം നടത്തലത്തിലിറങ്ങി പ്രതിഷേധിക്കുകയായിരുന്നു.
ഇന്നലെ നടന്ന സംഘര്ഷം നടക്കാന് പാടില്ലാത്തതായിരുന്നുവെന്നും നിര്ഭാഗ്യകരമെന്നും സ്പീക്കര് പറഞ്ഞു. ഈ അഭിപ്രായത്തോട് പ്രതിപക്ഷ നേതാവ് യോജിച്ചു. സംഘര്ഷം ശക്തമായ നടപടി വേണമെന്ന് പ്രതിപക്ഷം ആവശ്യപ്പെട്ടു. പരിശോധിച്ചു നടപടി എടുക്കുമെന്ന് സ്പീക്കര് വ്യക്തമാക്കി.
നിയമസഭയിലെ സ്പീക്കറുടെ ഓഫീസിന് മുന്നില് പ്രതിപക്ഷം നടത്തിയത് ഉപരോധ സമരം തന്നെയെന്ന് സ്പീക്കര് എഎന് ഷംസീര് ഇന്ന് സഭയില് പറഞ്ഞു. മറുപടി പറയാന് എഴുന്നേറ്റ പ്രതിപക്ഷ നേതാവ് തങ്ങള് നടത്തിയത് സത്യാഗ്രഹ സമരമാണെന്നും വാച്ച് ആന്റ് വാര്ഡ് പ്രോകപനമില്ലാതെ പ്രതിപക്ഷ അംഗങ്ങളെ ആക്രമിക്കുകയാണ് ഉണ്ടായതെന്നും പറഞ്ഞു.
ഇന്ന് രാവിലെ ചേര്ന്ന കക്ഷി നേതാക്കളുടെ യോഗത്തില് പ്രതിപക്ഷം വാച്ച് ആന്റ് വാര്ഡിനും ഭരണകക്ഷി എംഎല്എമാര്ക്കും എതിരെ നടപടി ആവശ്യപ്പെട്ടിരുന്നു. പിന്നീട് ചോദ്യോത്തര വേള പുരോഗമിക്കുന്നതിനിടെ പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. ഇതോടെ സഭാ നടപടികള് വേഗത്തില് അവസാനിപ്പിച്ച് സഭ ഇന്നത്തേക്ക് പിരിഞ്ഞു.
സാമാന്തര സഭ ചേര്ന്നിട്ടും, മൊബൈല് വഴി ദൃശ്യങ്ങള് പുറത്ത് വിട്ടിട്ടും കടുത്ത നടപടി ഉണ്ടായില്ലെന്ന് സ്പീക്കര് ചൂണ്ടിക്കാട്ടി. സഭാ ടിവി പ്രതിപക്ഷത്തിന് പ്രതിഷേധങ്ങളെ പൂര്ണ്ണമായും മറച്ചുവെക്കുന്നുവെന്നും താന് സംസാരിക്കുമ്ബോള് പോലും ഭരണപക്ഷത്തെയാണ് കാണിക്കുന്നതെന്നും വിഡി സതീശന് വിമര്ശിച്ചു.
