തിരുവനന്തപുരം: തിരുവനന്തപുരം മെഡിക്കല് കോളജില് നിരോധനാഞ്ജ ലംഘിച്ചു സമരം നടത്തിയതിയ ഡോക്ടര്മാര്ക്കെതിരെ പൊലീസ് കേസെടുത്തു. മെഡിക്കല് കോളജിലെ അന്പതോളം ഡോക്ടര്മാര്ക്കെതിരെയാണ് കേസെടുത്തത്. പകര്ച്ചവ്യാധി നിയന്ത്രണ നിയമപ്രകാരവും കേസെടുത്തിട്ടുണ്ട്.
മെഡിക്കല് കോളജിലെ ഡോക്ടറുടെയും നഴ്സുമാരുടെയും സസ്പെന്ഷന് പിന്വലിക്കണമെന്നാവശ്യപ്പെട്ട് ഡോക്ടറുമാരുടെ സംഘടന ഇന്ന് മുതലാണ് റിലെ നിരാഹാര സമരം ആരംഭിച്ചത്. നഴ്സുമാരുടെ സംഘടന ഇന്ന് കരിദിനം ആചരിക്കാനും തീരുമാനിച്ചിട്ടുണ്ട്. സസ്പെന്ഷന് പിന്വലിക്കണമെന്നാവശ്യപ്പെട്ട് ആരോഗ്യ മന്ത്രിയുമായി നടത്തിയ ചര്ച്ച പരാജയപ്പെട്ടിരുന്നു.
തിരുവനന്തപുരം മെഡിക്കല് കോളജില് കൊവിഡ് രോഗി പുഴുവരിച്ച സംഭവത്തിലാണ് കൊവിഡ് നോഡല് ഓഫീസറെയും രണ്ട് ഹെഡ് നേഴ്സുമാരെയും സസ്പെന്ഡ് ചെയ്തത്
