ചെന്നൈ: ബുറേവി ചുഴലിക്കാറ്റ് ന്യൂനമര്ദമായി മാറിയതോടെ തമിഴ്നാട്ടില് മഴക്കെടുതി രൂക്ഷമായി. ഇതുവരെ സംസ്ഥാനത്ത് 19 മരണങ്ങളാണ് റിപ്പോര്ട്ട് ചെയ്തത്. കടലൂര് അടക്കമുള്ള ജില്ലകളില് വന് കൃഷിനാശം സംഭവിച്ചു. വിവിധ ഇടങ്ങളിലായി നിരവധി വീടുകള് തകര്ന്നു. സംസ്ഥാനത്തിന്റെ വിവിധ പ്രദേശങ്ങളില് കനത്ത മഴയാണ് അനുഭവപ്പെടുന്നത്. പുതുശേരി ഉള്പ്പെടെയുള്ള മേഖലകളില് വലിയതോതില് വെള്ളക്കെട്ട് അനുഭവപ്പെട്ടു.
രാമനാഥപുരം, തൂത്തുക്കുടി, നാഗപട്ടണം, കല്ലാക്കുറിച്ചി ജില്ലകളിലും കനത്ത മഴയാണ്.
ശനിയാഴ്ച രാത്രിയോടെ ബുറേവിയുടെ തീവ്രത കുറയുമെന്നും അതിതീവ്ര ന്യൂനമര്ദം ന്യൂനമര്ദമായി മാറുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.