ന്യൂഡല്ഹി: രാജ്യത്ത് കോവിഡ് വ്യാപനം തുടങ്ങിയതിന് ശേഷം ഇതാദ്യമായി മരണസംഖ്യ നാലായിരം കടന്നു. 4,187 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. 4,01,078 പേര്ക്ക് രോഗബാധ സ്ഥിരീകരിക്കുകയും ചെയ്തു. ഇതോടെ ഇതുവരെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 2,18,92,676 ആയി ഉയര്ന്നു.
2,38,270 മരണമാണ് ഇതുവരെ റിപ്പോര്ട്ട് ചെയ്തത്. 3,18,609 പേര്ക്ക് കഴിഞ്ഞ 24 മണിക്കൂറിനിടെ രോഗമുക്തിയുണ്ടായി. 1,79,30,960 പേര്ക്കാണ് ഇതുവരെ രോഗമുക്തിയുണ്ടായത്. 37,23,446 പേരാണ് നിലവില് ചികിത്സയിലുള്ളത്. 16,73,46,544 പേര്ക്ക് ഇതുവരെ വാക്സിന് നല്കിയിട്ടുണ്ട്.
മഹാരാഷ്ട്ര, യു.പി, കേരള, കര്ണാടക, തമിഴ്നാട് തുടങ്ങിയ സംസ്ഥാനങ്ങളിലാണ് കോവിഡ് രോഗികളില് ഭൂരിപക്ഷം പേരും.
രോഗബാധ ഉയര്ന്നതോടെ വിവിധ സംസ്ഥാനങ്ങള് നിയന്ത്രണങ്ങളും ശക്തമാക്കിയിട്ടുണ്ട്. കേരള, കര്ണാടക, തമിഴ്നാട് തുടങ്ങിയ സംസ്ഥാനങ്ങള് ലോക്ഡൗണ് പ്രഖ്യാപിച്ചു. മഹാരാഷ്ട്രയും യു.പിയും നിയന്ത്രണങ്ങള് നീട്ടിയിരുന്നു.
