തിരുവനന്തപുരം: സംസ്ഥാനത്ത് ഞായറാഴ്ച ലോക്ക്ഡൗണും രാത്രികാല കര്ഫ്യൂവും തുടരുമെന്ന് മുഖ്യമന്ത്രി പിണറായി വിജയന് അറിയിച്ചു.
പ്രതിവാര കൊവിഡ് അവലോകന യോഗത്തിലാണ് നിയന്ത്രണങ്ങള് തുടരാന് തീരുമാനിച്ചത്.
കൊവിഡ് പ്രതിരോധത്തിനായി കടുത്ത നിയന്ത്രണങ്ങള് ഒഴിവാക്കി വാക്സീനേഷന് ശക്തിപ്പെടുത്താന് മുന്തൂക്കം നല്കണമെന്ന് ദേശീയ ആരോഗ്യവിദഗ്ദ്ധരുമായി സംസ്ഥാന സര്ക്കാര് നടത്തിയ യോഗത്തില് നിര്ദേശമുയര്ന്നിരുന്നു. സമ്ബൂര്ണ ലോക്ക് ഡൗണിന് ഇനി സാധ്യതയില്ലെന്ന് കഴിഞ്ഞ ദിവസം തദ്ദേശസ്വയംഭരണസ്ഥാപനങ്ങളിലെ ജനപ്രതിനിധികളുമായി നടത്തിയ കൂടിക്കാഴ്ചയില് മുഖ്യമന്ത്രിയും വ്യക്തമാക്കിയിരുന്നു.
ഈ സാഹചര്യത്തില് ഞായറാഴ്ച ലോക്ക് ഡൗണും രാത്രി കാല കര്ഫ്യൂവും പിന്വലിക്കും എന്നായിരുന്നു പൊതുവെയുള്ള പ്രതീക്ഷ. രാത്രികാല കര്ഫ്യൂവിന്്റെ ശാസ്ത്രീയത ചോദ്യം ചെയ്ത് പ്രതിപക്ഷ നേതാവ് വിഡി സതീശന് നേരത്തെ രംഗത്ത് എത്തിയിരുന്നു.
