കാഞ്ഞിരപ്പള്ളി രൂപതാ മാതൃവേദിയുടെ നേതൃത്വത്തിൽ കാഞ്ഞിരപ്പള്ളി കത്തീദ്രലിൽ നിന്നും അക്കരപ്പള്ളിയിലേക്കു മരിയൻ തീർത്ഥാടനം നടത്തപ്പെട്ടു. രൂപതയിലെ 148 ഇടവകകളിൽ നിന്നുമുള്ള അമ്മമാർ തീർത്ഥാടനത്തിൽ പങ്കുചേർന്നു. തുടർന്നു ഫാമിലി അപ്പോസ്റ്റലേറ്റിന്റെ രൂപതാ ഡയറക്ടറിന്റെയും ഫൊറോനാ ഡയറക്ടേഴ്സിന്റെയും മുഖ്യ കാർമികത്വത്തിൽ പരിശുദ്ധ കുർബാന അർപ്പിച്ചു . “പ്രതിസന്ധികളിൽ ഒരിക്കലും തളരാതെ ജീവിതം നയിക്കുകയും ദൈവത്തിൽ അടിയുറച്ചു വിശ്വസിക്കുകയും ദൈവഹിതത്തോടു ചേർന്നു നിൽക്കുകയും ചെയ്ത പരിശുദ്ധ കന്യകാമറിയം നമുക്ക് മാതൃകയാണ്. ജീവിതത്തിൽ എല്ലാ പ്രതിസന്ധികൾക്കും ഉള്ള പരിഹാരം കർത്താവിൽ മാത്രമാണെന്നും” രൂപതാ വികാരി ജനറാൾ പെരിയ ബഹുമാനപ്പെട്ട ബോബി അലക്സ് മണ്ണംപ്ലാക്കലച്ചൻ മരിയൻ സന്ദേശം നൽകി. അനേകായിരങ്ങൾ പങ്കെടുത്ത തീർത്ഥാടനത്തിന് ഇടവക ഫൊറോന രൂപതാ മാതൃവേദി എക്സിക്യൂട്ടീവ് അംഗങ്ങൾ നേതൃത്വം നൽകി.
മരിയൻ ധ്യാന ചിന്തകളുമായി മാതാക്കൾ കാഞ്ഞിരപ്പള്ളി പഴയ പള്ളിയിൽ
