കോവിഡ് വാക്സിന്റെ നിര്മാണ, വിതരണ ഒരുക്കങ്ങള് വിലയിരുത്താന് പ്രധാനമന്ത്രി നരേന്ദ്ര മോദി ഇന്ന് മൂന്ന് സംസ്ഥാനങ്ങളിലെ വാക്സിന് നിര്മാണ സ്ഥാപനങ്ങള് സന്ദര്ശിക്കും.പൂനയിലെ സെറം ഇന്സ്റ്റിറ്റ്യൂട്ട്, ഹൈദരാബാദിലെ ഭാരത് ബയോടെക്, അഹമ്മദാബാദിലെ ബയോടെക് പാര്ക്ക് എന്നിവിടങ്ങളിലാണ് മോദി എത്തുക. വാക്സിന് എപ്പോള് ലഭ്യമാക്കാം എന്നതുള്പ്പെടെയുള്ള കാര്യങ്ങള് ഗവേഷകരുമായി പ്രധാനമന്ത്രി ചര്ച്ച ചെയ്യും.
പ്രധാനമന്ത്രിയുടെ ആദ്യ സന്ദ൪ശനം അഹ്മദാബാദിലെ കോവിഡ് കേന്ദ്രത്തിലാകുമെന്നാണ് വിവരം.സൈഡസ് കോഡില വികസിപ്പിക്കുന്ന സൈകോവ്-ഡി വാക്സിനാണ് അവിടെ വികസിപ്പിക്കുന്നത്. ശേഷം പുനെയിലെ സീറം ഇന്സ്റ്റിറ്റ്യൂട്ട് ഓഫ് ഇന്ത്യ. ഒക്സ്ഫഡ് സ൪വകലാശാലയുമായി ചേ൪ന്ന് നി൪മിക്കുന്ന ആസ്ട്ര സെനേക വാക്സിന്റെ പുരോഗതി വിലയിരുത്തും. ശേഷം ഇന്ത്യ തദ്ദേശീയമായി വികസിപ്പിക്കുന്ന ആദ്യത്തെ കോവിഡ് വാക്സിനായ കോവാക്സിന് തയ്യാറാക്കുന്ന ഹൈദരാബാദിലെ ഭാരത് ബയോടെകിലേക്ക് തിരിക്കും. ഒരു മണിക്കൂ൪ ചെലവഴിച്ച ശേഷം വൈകിട്ട് അഞ്ചരയോടെ ഡല്ഹിക്ക് തിരിക്കുമെന്നാണ് വിവരം.
