ന്യൂഡല്‍ഹി: രാജ്യത്ത് കോവിഡ് രോഗബാധ അതിതീവ്രമായി തുടരുന്നു. 3,62,770 പേര്‍ക്കാണ് കഴിഞ്ഞ 24 മണിക്കൂറിനിടെ രോഗബാധ സ്ഥിരീകരിച്ചത്. 3286 പേര്‍ രോഗം ബാധിച്ച്‌ മരിക്കുകയും ചെയ്തു. കഴിഞ്ഞ ദിവസമാണ് രാജ്യത്ത് ഏറ്റവും കൂടുതല്‍ പ്രതിദിന കോവിഡ് കേസുകളും മരണവും റിപ്പോര്‍ട്ട് ചെയ്തതെന്നതും ആശങ്ക വര്‍ധിപ്പിക്കുന്നു.
കഴിഞ്ഞ 24 മണിക്കൂറിനിടെ 15 സംസ്ഥാനങ്ങളില്‍ 10,000ലധികം കോവിഡ് കേസുകള്‍ റിപ്പോര്‍ട്ട് ചെയ്തു. 66,538 പ്രതിദിന രോഗികളുള്ള മഹാരാഷ്ട്രയാണ് ഒന്നാം സ്ഥാനത്ത്. യു.പി, കേരള, കര്‍ണാടക തുടങ്ങിയ സംസ്ഥാനങ്ങളില്‍ 30,000ലധികം രോഗികളുണ്ട്.
കണക്കുകള്‍ പ്രകാരം യു.എസിലാണ് ഏറ്റവും കൂടുതല്‍ ആളുകള്‍ കോവിഡ് ബാധിച്ച്‌ മരിച്ചത്.
5.27 ലക്ഷം പേര്‍ക്കാണ് യു.എസില്‍ കോവിഡ് മൂലം ജീവന്‍ നഷ്ടമായത്. 3.92 ലക്ഷം മരണവുമായി ബ്രസീലാണ് രണ്ടാം സ്ഥാനത്ത്. മെക്സികോയില്‍ കോവിഡുമായി ബന്ധപ്പെട്ട 2.15 ലക്ഷം മരണങ്ങള്‍ ഇതുവരെ റിപ്പോര്‍ട്ട് ചെയ്തു
