തിരുവനന്തപുരം: കേരള പോലീസിലെ 873 ഉദ്യോഗസ്ഥര്ക്ക് അടുത്തിടെ കേന്ദ്ര സര്ക്കാര് നിരോധിച്ച സംഘടനയായ പോപ്പുലര് ഫ്രണ്ടുമായി ബന്ധമുണ്ടെന്ന ആരോപണവുമായി ദേശീയ അന്വേഷണ ഏജന്സി (എന് ഐ എ).
ഇവര്ക്കെതിരെ നടപടി വേണമെന്ന് സംസ്ഥാന പോലീസ് മേധാവിയോട് എന് ഐ എ ആവശ്യപ്പെട്ടു. പി എഫ് ഐയുമായി ബന്ധമുള്ള ഉദ്യോഗസ്ഥരുടെ പേരുവിവരങ്ങള് അന്വേഷണ ഏജന്സി ഡി ജി പിക്ക് കൈമാറിയിട്ടുണ്ട്. പോപ്പുലര് ഫ്രണ്ടിന് നിരോധനമേര്പ്പെടുത്തിയ ശേഷം എന് ഐ എ നടത്തുന്ന തുടരന്വേഷണത്തിന്റെ ഭാഗമായാണ് പോലീസ് ഉദ്യോഗസ്ഥരുമായി ബന്ധപ്പെട്ട വിവരങ്ങളും രേഖപ്പെടുത്തിയത്
