കാഞ്ഞിപ്പള്ളി: കാഞ്ഞിരപ്പള്ളി രൂപതയുടെ പ്രഥമ മെത്രാനായ മാര് ജോസഫ് പവ്വത്തില് മെത്രാപ്പോലീത്ത അനുസ്മരണ സമ്മേളനം കാഞ്ഞിരപ്പള്ളി പാസ്റ്ററല് സെന്റര് ഓഡിറ്റോറിയത്തില് ഇന്ന് (ശനി) ഉച്ചകഴിഞ്ഞ് മൂന്നുമണിക്ക് നടത്തപ്പെടുന്നതാണ്. കാഞ്ഞിരപ്പള്ളി രൂപതാധ്യക്ഷന് മാര് ജോസ് പുളിക്കല് അധ്യക്ഷത വഹിക്കുന്ന സമ്മേളനത്തില് രൂപതയുടെ മുന് അദ്ധ്യക്ഷന് മാര് മാത്യു അറയ്ക്കല്, സീറോ മലബാര് കൂരിയ ബിഷപ്പ് മാര് സെബാസ്റ്റ്യന് വാണിയപുരയ്ക്കല് എന്നിവര് സംസാരിക്കും.
മാര് ജോസഫ് പവ്വത്തില് പിതാവിനോട് ചേര്ന്ന് വിവിധ തലങ്ങളില് ശുശ്രൂഷ ചെയ്തവരുടെ പ്രതിനിധികള് തങ്ങളുടെ ഓര്മ്മകള് സമ്മേളനത്തില് പങ്കുവയ്ക്കും. വൈദികരും സന്യാസിനികളും ഉള്പ്പെടെ രൂപതയിലെ വിശ്വാസിസമൂഹം പങ്കെടുക്കുന്ന സമ്മേളന ക്രമീകരണങ്ങള്ക്ക് രൂപത വികാരി ജനറാളുമാരായ ഫാ. ജോസഫ് വെള്ളമറ്റം, ഫാ. ബോബി അലക്സ് മണ്ണംപ്ലാക്കല്, ഫാ. കുര്യന് താമരശ്ശേരി, പ്രൊക്കുറേറ്റര് ഫാ. ഫിലിപ്പ് തടത്തില്, പാസ്റ്ററല് കൗണ്സില് സെക്രട്ടറി ഡോ. ജൂബി മാത്യു, ഫാ. സ്റ്റാന്ലി പുള്ളോലിക്കല് എന്നിവര് നേതൃത്വം നല്കും
