തിരുവനന്തപുരം
രാജ്യത്തെ ഐഐടികളിലെ പ്രവേശനത്തിനുള്ള ജെഇഇ അഡ്വാന്‍സ്ഡിനായുള്ള ഓണ്‍ലൈന്‍ രജിസ്ട്രേഷന്‍ സെപ്തംബര്‍ 11 മുതല്‍ 16 വരെ നടത്താം. സെപ്തംബര്‍ 17 വരെ http://jeeadv.ac.in ല്‍ ഫീസ് അടയ്ക്കാം . ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി (ഐഐടി) ദില്ലി മുഖ്യസംഘാടകരായ പരീക്ഷയുടെ വിശദ വിജ്ഞാപനം വെബ്സൈറ്റില്‍ പ്രസിദ്ധീകരിച്ചിട്ടുണ്ട്.
സെപ്തംബര്‍ 27നാണ് പരീക്ഷ. ഒക്ടോബര്‍ അഞ്ചിനകം ഫലം പ്രസിദ്ധീകരിക്കും. ജെഇഇ മെയിന്‍ പരീക്ഷയില്‍ മികച്ച പ്രകടനം കാഴ്ചവയ്ക്കുന്ന 2. 5 ലക്ഷം പേര്‍ക്കാണ് ജെഇഇ അഡ്വാന്‍സ്ഡ് എഴുതാന്‍ അവസരം.
ജെഇഇ അഡ്വാന്‍സ്ഡിന്റെ പുതുക്കിയ ഷെഡ്യൂള്‍ അനുസരിച്ച്‌ നടക്കാനിരിക്കുന്ന ജെഇഇ മെയിനിന്റെ ഫലം സെപ്തംബര്‍ 10 നകം പ്രതീക്ഷിക്കാം.
ജെഇഇ അഡ്വാന്‍സിഡിന് ഇത്തവണ പ്ലസ് ടു (തത്തുല്യം) മാര്‍ക്കില്‍ 75 ശതമാനം വേണമെന്ന നിബന്ധന കോവിഡ് മഹാമാരിയെ തുടര്‍ന്ന് ഒഴിവാക്കിയിട്ടുണ്ട്. വിശദ വിവരങ്ങള്‍ http://jeeadv.ac.in വെബ്സൈറ്റിലെ
ഇന്‍ഫര്‍മേഷന്‍ ബുള്ളറ്റിനില്‍ ലഭിക്കും
