ശ്രീനഗര്: ജമ്മു കാഷ്മീരിലെ ത്രാലിലുണ്ടായ ഏറ്റുമുട്ടലില് ഒരു ഭീകരനെ സുരക്ഷാ സേന വധിച്ചു. വ്യാഴാഴ്ച രാവിലെ ത്രാല് അവന്തിപോറയിലെ മഗാമ മേഖലയില് നടന്ന ഏറ്റുമുട്ടലിലാണ് ഭീകരനെ വധിച്ചത്. ഭീകരരുടെ പക്കല് നിന്ന് ആയുധങ്ങളും വെടിയുണ്ടകളും കണ്ടെടുത്തു.
കാഷ്മീര് പോലീസും സുരക്ഷാ സേനയും സംയുക്തമായാണ് ഭീകരനെ വധിച്ചത്. പ്രദേശത്ത് ഭീകരര് ഒളിച്ചിരിക്കുന്നുവെന്ന വിവരത്തെ തുടര്ന്നായിരുന്നു സൈനിക നടപടി. പ്രദേശത്ത് തെരച്ചില് ഇപ്പോഴും തുടരുകയാണെന്ന് പോലീസ് അറിയിച്ചു.
