കേരളത്തില് ഭീതിയൊഴിഞ്ഞെങ്കിലും തമിഴ്നാട്ടില് ബുറേവി ചുഴലിക്കാറ്റ് ആഞ്ഞടിച്ചു. കാറ്റിലും മഴയിലും ഇതുവരെ ഒമ്ബത് പേരാണ് മരിച്ചത്. കടലൂരും ചിദംബരത്തും കടല്ക്ഷോഭം രൂക്ഷമായി. ചെന്നൈയില് താഴ്ന്ന പ്രദേശങ്ങള് വെള്ളക്കെട്ടിലാണ്. പുതുച്ചേരി തീരത്തും മഴ ശക്തമായി. കടലൂര്, ചെന്നൈ, പുതുക്കോട്ട, കാഞ്ചീപുരം എന്നിവിടങ്ങളിലാണ് മരണം റിപ്പോര്ട്ട് ചെയ്തത്. കടലൂരില് കനത്ത മഴയില് വീട് തകര്ന്നുവീണാണ് അമ്മയും മകളും മരിച്ചത്. ഒരു സ്ത്രീക്ക് ഗുരുതരമായി പരിക്കേറ്റു. കടലൂരില് മരം വീണും ഒരു യുവതി മരിച്ചു. പുതുക്കോട്ടയില് വീട് തകര്ന്ന് ഒരു സ്ത്രീ മരിച്ചു. ചെന്നൈയില് വെള്ളക്കെട്ടില് നിന്ന് വൈദുതാഘാതമേറ്റ് ഒരു യുവാവും തഞ്ചാവൂരില് 40 വയസുള്ള സ്ത്രീയും മരിച്ചു.
കാഞ്ചീപുരത്ത് വെള്ളത്തില്വീണ്് മൂന്ന് പെണ്കുട്ടികളും മരിച്ചു.
മാന്നാര് കടലിടുക്കില് എത്തിയ അതിതീവ്ര ന്യൂനമര്ദം കഴിഞ്ഞ 24 മണിക്കൂറായി രാമനാഥപുരത്തിന് സമീപമായി തുടരുകയാണ്. നിലവില് രാമനാഥപുരത്ത് നിന്ന് 40 കിലോമീറ്റര് ദൂരത്തിലും, പാമ്ബനില് നിന്നും 70 കിലോമീറ്റര് ദൂരത്തിലുമാണ് ബുറേവിയുടെ സ്ഥാനം.
അതേസമയം, കാറ്റിന്റെ തീവ്ര കുറഞ്ഞതിനാല് കേരളത്തിന്റെ ആശങ്കയൊഴിഞ്ഞു. എങ്കിലും ജാഗ്രത തുടരും. കേരളത്തിലെത്തുംമുമ്ബ് കാറ്റിന്റെ വേഗത മണിക്കൂറില് ഏകദേശം 30 മുതല് 40 കിലോമീറ്റര് മാത്രമായി മാറാനാണ് സാധ്യത. കേരളത്തില് ഒറ്റപ്പെട്ട ശക്തമായതോ അതിശക്തമായതോ ആയ മഴക്കുള്ള സാധ്യതയുണ്ട്. മത്സ്യബന്ധനത്തിന് ഏര്പ്പെടുത്തിയിരിക്കുന്ന നിരോധനം തുടരും
.
കേരളത്തില് ജാഗ്രത തുടരും
ബുറേവി ചുഴലിക്കാറ്റിന്റെ ത്രീവ്രത കുറഞ്ഞെങ്കിലും കേരളത്തില് ജാഗ്രത തുടരും. കേരളത്തിലെത്തുന്നതിന് മുന്നേ തമിഴ്നാട്ടില് വെച്ച് തന്നെ ന്യൂനമര്ദത്തിലെ കാറ്റിന്്റെ വേഗത മണിക്കൂറില് ഏകദേശം 30 മുതല് 40 കിമീ വേഗത മാത്രമായി മാറാനാണ് സാധ്യത. കേരളത്തില് ഒറ്റപ്പെട്ട ശക്തമായതോ അതിശക്തമായതോ ആയ മഴക്കുള്ള സാധ്യതയുണ്ട്. ഇന്ന് രാത്രി മുതല് 12 മണിക്കൂര് നേരത്തേക്ക് തെക്കന് കേരളത്തില് മണിക്കൂറില് ഏകദേശം 35 മുതല് 45 വരെ കിമീ വേഗതയുള്ള കാറ്റ് ഉണ്ടായേക്കുമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു. ഇടുക്കി, മലപ്പുറം ജില്ലകളില് ഇന്ന് ഓറഞ്ച് അലര്ട്ടാണ്. അതേസമയം, മത്സ്യബന്ധനത്തിന് ഏര്പ്പെടുത്തിയിരിക്കുന്ന നിരോധനം സംസ്ഥാനത്ത് തുടരും.
