സംസ്ഥാനത്തെ കൊവിഡ് നിയന്ത്രണങ്ങള് കടുപ്പിക്കുന്നതിരെ കുറിച്ച് ആലോചിക്കാന് ഇന്ന് വീണ്ടും ഉന്നതതല യോഗം ചേരും. വൈകീട്ട് 3.30 നാണ് യോഗം ചേരുക. സംസ്ഥാനത്ത് നിയന്ത്രണങ്ങള് കര്ശനമാക്കണമെന്നാണ് പൊലീസ് ആവശ്യപ്പെട്ടിരിക്കുന്നത്. വര്ക്ക് ഫ്രം ഹോം വീണ്ടും നടപ്പാക്കും. പൊതു ഇടങ്ങളില് തിരക്ക് കുറയ്ക്കാന് കൂടുതല് നിയന്ത്രണങ്ങള് കൊണ്ടുവരും. നൈറ്റ് കര്ഫ്യൂവും പരിഗണനയിലുണ്ട്.
കൊവിഡ് കൂട്ടപ്പരിശോധനയുടെ കൂടുതല് ഫലങ്ങള് ഇന്ന് പുറത്തുവരുന്നതോടെ സംസ്ഥാനത്തെ രോഗ ബാധിതരുടെ എണ്ണം ലക്ഷം കടക്കുമെന്നാണ് സൂചന. രോഗ ബാധ കുത്തനെ കൂടുന്ന എറണാകുളം, കോഴിക്കോട് അടക്കം ജില്ലകളില് നിയന്ത്രണങ്ങള് കര്ക്കശമാക്കി.
ചികിത്സയിലുള്ള രോഗ ബാധിതര് ലക്ഷം കടക്കുന്നതോടെ കിടത്തി ചികിത്സ ആവശ്യമായവരുടേയും രോഗം ഗുരുതരമാകുന്നവരുടേയും എണ്ണം കൂടുമെന്നാണ് കണക്കുകൂട്ടല്. അങ്ങനെ വന്നാല് സര്ക്കാര് മേഖലയില് കൊവിഡ് ഇതര ചികിത്സകള് പരിമിതപ്പെടുത്തും. അതേസമയം, വാക്സീന് ക്ഷാമം തുടരുന്നതിനാല് രോഗ വ്യാപന തീവ്രത കുറയാന് ലക്ഷ്യമിട്ടുളള മെഗാ വാക്സിനേഷന് ക്യാംപുകള് ഭൂരിഭാഗവും മുടങ്ങി.
