കോവിഡിനൊപ്പം ലോകവും മലയാളികളും ജീവിക്കാന് തുടങ്ങിയിട്ട് വര്ഷം ഒന്നര കഴിഞ്ഞു. ഇപ്പോഴും കോവിഡിനെ പുറം ലോകത്ത് നിര്ത്തിയ ഒരു ദേശമുണ്ട് ഈ കേരളത്തില്. ഇപ്പോള് ആ ദേശം ലോകത്തിന് തന്നെ മാതൃകയാവുകയാണ്.സംസ്ഥാനത്തെ ആദ്യ ഗോത്രവര്ഗ പഞ്ചായത്ത് കൂടിയായ ഇടുക്കിയിലെ ഇടമലക്കുടിയാണ് കോവിഡിനെ ഇപ്പോഴും അകലത്ത് നിര്ത്തിയിരിക്കുന്ന നാട്. മുവായിരത്തോളം പേര് താമസിച്ചിട്ടും ഒരാള്ക്കും കോവിഡ് വരാതിരിക്കാന് ഈ ജനത കാണിച്ച സൂക്ഷ്മതയാണ് ഏറ്റവും വലിയ പ്രതിരോധമായത്.സംസ്ഥാനത്ത് കോവിഡ് റിപ്പോര്ട്ട് ചെയ്ത ആദ്യ നാള് മുതല് തന്നെ കോവിഡിനെ അകറ്റാന് സാമൂഹിക അകലവും, സ്വന്തമായി ലോക്ഡൗണും പ്രഖ്യാപിച്ചു.
റേഷന് ഒഴികെയുള്ള മറ്റെല്ലാത്തിനും മൂന്നാറിനെയാണ് ഈ പഞ്ചായത്ത് ആശ്രയിക്കുന്നത്. ആഴ്ചയിലൊരു ദിവസം സാധനങ്ങള് വാങ്ങാനായി ഒരു ജീപ്പ് മൂന്നാറിലേക്ക് പോകും, അതായിരുന്നു കോവിഡിന് മുമ്പുള്ള പതിവ് .എന്നാല് കോവിഡ് വന്നതോടെ ഊരു മൂപ്പന്റെയും ആരോഗ്യവകുപ്പിന്റെയും പഞ്ചായത്തിന്റെയും നേതൃത്വത്തില് നാട്ടൂകുട്ടം കൂടി ഈ പതിവ് ഇനി വേണ്ടെന്ന് തീരുമാനിച്ചു.
പകരം ഒരാള് പോയി വേണ്ട സാധനങ്ങളെല്ലാം വാങ്ങിവരും. പോകുന്ന ആള് രണ്ടാഴ്ച കോറന്റീനില് പോകണമെന്നും തീരുമാനിച്ചു.പഞ്ചായത്തിെന്റ തീരുമാനം വന്നതോടെ വനം വകുപ്പധികൃതരും പുറത്ത് നിന്നുള്ളവര്ക്ക് ഇടമലക്കുടിയിലേക്ക് പോകാന് അനുമതി നല്കുന്നില്ല. ഇതിനൊപ്പം മൂപ്പെന്റ നേതൃത്വത്തില് പ്രത്യേക നിരീക്ഷണ സംഘവും പ്രദേശത്തുണ്ട്. തെരഞ്ഞെടുപ്പ് കാലത്ത് പോലും ഈ പ്രോട്ടോക്കോള് പാലിച്ചാണ് അവര് വോട്ട് ചെയ്തത്.
