സംസ്ഥാനത്ത് ശക്തമായ മഴ തുടരുന്നു. ഇടുക്കി, മലപ്പുറം, കോഴിക്കോട്, വയനാട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. ബാക്കി ജില്ലകളില് യെല്ലോ അലര്ട്ടാണ്. നാളെയും സംസ്ഥാനത്ത് പരക്കെ മഴ ഉണ്ടാകും. നാളെ എല്ലാ ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
ചൊവ്വാഴ്ച വരെ സംസ്ഥാനത്ത് മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കടല്ക്ഷോഭത്തെത്തുടര്ന്ന് മീന് പിടിക്കാന് പോകുന്നതിനും വിലക്കേര്പ്പെടുത്തിയിട്ടുണ്ട്. മറ്റന്നാള് വരെ കടലില് പോകരുതെന്നാണ് നിര്ദ്ദേശം. കനത്ത മഴയില് മലപ്പുറം, ഇടുക്കി, പാലക്കാട്, എന്നീ ജില്ലകളില് പലയിടങ്ങളിലും മണ്ണിടിച്ചലും കൃഷി നാശവുമുണ്ടായി.മലയോര മേഖലയില് ഒറ്റപ്പെട്ട അതി ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിക്കുന്നു
