രാജ്യത്ത്​ ഡിജിറ്റല്‍ പണമിടപാടുകള്‍ക്കായി ഇനി ഈ-റുപ്പി

രാജ്യത്ത്​ ഡിജിറ്റല്‍ പണമിടപാടുകള്‍ പ്രോത്സാഹിപ്പിക്കുന്നതിനായി ഇ -റുപ്പി അവതരിപ്പിക്കാനൊരുങ്ങി കേന്ദ്രം. ആഗസ്റ്റ്​ രണ്ടിന്​ പ്രധാനമന്ത്രി നരേന്ദ്രമോദി ഇ -റുപ്പി അവതരിപ്പിക്കും.

ഇലക്​ട്രോണിക്​ വൗച്ചര്‍ അടിസ്​ഥാനമാക്കിയുള്ള ഡിജിറ്റല്‍ പേമെന്‍റ്​ സിസ്റ്റം നാഷനല്‍ പേമെന്‍റ്​സ്​ കോര്‍പ​േറഷനാണ്​ (എന്‍.പി.സി.ഐ) വികസിപ്പിച്ചത്​. ദേശീയ സാമ്പത്തിക സേവന വകുപ്പ്​, ആരോഗ്യ കുടുംബക്ഷേമ മന്ത്രാലയം, ദേശീയ ആരോഗ്യ അതോറിറ്റി എന്നിവയുടെ സഹകരണത്തോടെയാണ്​ യു.പി.ഐ പ്ലാറ്റ്​ഫോമില്‍ ഇത്​ വികസിപ്പിച്ചെടുത്തിരിക്കുന്നത്.

ഡിജിറ്റല്‍ പേമെന്‍റിന്‍റെ പണ -സമ്പർക്ക രഹിത രൂപമാണ്​ ഇ റുപ്പി. ക്യു ആര്‍ കോഡ്​ അല്ലെങ്കില്‍ എസ്​.എം.എസ്​ അധിഷ്​ഠിത ഇ -വൗച്ചര്‍ ഉപഭോക്താക്കളിലേക്ക്​ മൊബൈല്‍ ​ഫോണ്‍ വഴിയെത്തും.

ഇ -റുപ്പി പേമേന്‍റെ്​ സേവനത്തിന്‍റെ സഹായത്തോടെ കാര്‍ഡ്​, ഡിജിറ്റല്‍ പേമെന്‍റ്​ ആപ്പ്​, ഇന്‍റര്‍നെറ്റ്​ ബാങ്കിങ്​ ഇല്ലാതെ ഉപഭോക്താവിന്​ വൗച്ചര്‍ വീണ്ടെടുക്കാന്‍ കഴിയും.

ഇ -റുപ്പി എങ്ങനെ?

ഇ -റുപ്പി സേവനങ്ങളുടെ സ്​പോണ്‍സര്‍മാരുമായി ഉപഭോക്താക്കളെയും സേവന ദാതാക്കളെയും ഡിജിറ്റല്‍ രൂപത്തില്‍ ബന്ധിപ്പിക്കും. ഇടപാട്​ പൂര്‍ത്തിയായതിന്​ ശേഷം മാത്രമേ സേവന ദാതാവിന്​ പണം ലഭിക്കൂവെന്നും ഇത്​ ഉറപ്പാക്കും. പ്രീ പെയ്​ഡ്​ സേവനമാണ്​ ഇതിന്‍റെ അടിസ്​ഥാനം. അതിനാല്‍ സേവന ദാതാവിന്​ കൃത്യസമയത്ത്​ പണം ലഭിക്കുന്നുണ്ടെന്നും ഇത്​ ഉറപ്പുവരുത്തും.

ഇ -റുപ്പി എന്തിന്​?

സ്​ത്രീകള്‍ക്കും കുട്ടികള്‍ക്കും മരുന്ന്​, പോഷകാഹാര പിന്തുണ നല്‍കുന്ന പദ്ധതികളിലേക്ക്​ ഇ-റുപ്പി സേവനം ഉറപ്പുവരുത്താം. മാതൃ -ശിശു ക്ഷേമ പദ്ധതികള്‍, ക്ഷയരോഗ നിര്‍മാര്‍ജന പരിപാടികള്‍, ആയുഷ്​മാര്‍ ഭാരത്​ പ്രധാന്‍ മന്ത്രി ജന്‍ ​ആരോഗ്യ യോജന, വളം സബ്​സിഡികള്‍ തുടങ്ങിയവയുടെ സേവനങ്ങള്‍ക്കായി ഉപ​േയാഗിക്കാം. കൂടാതെ ജീവനക്കാരുടെ ക്ഷേമത്തിനും മറ്റുമായി സ്വകാര്യ മേഖലക്കും ഇവ ഉപയോഗിക്കാം.