ചണ്ഡിഗഡ്: പഞ്ചാബിലെ തദ്ദേശ തെരഞ്ഞെടുപ്പില് കോണ്ഗ്രസിന് കുതിപ്പ് .ആദ്യഫല സൂചനകള് പുറത്തുവരുമ്ബോള് 109 മുനിസിപ്പാലിറ്റിയില് 107 ലും കോണ്ഗ്രസ് മുന്നേറുകയാണ്. ശിരോമണി അകാലിദളാണ് രണ്ടാം സ്ഥാനത്ത്. ബിജെപി തകര്ന്ന് തരിപ്പണമായി.
എട്ട് കോര്പ്പറേഷനുകളിലെ ഏഴിലും കോണ്ഗ്രസ് മുന്നിട്ടുനില്ക്കുകയാണ്. ഇവിടങ്ങളില് എല്ലാം കോണ്ഗ്രസ് വിജയം ഉറപ്പിച്ചു കഴിഞ്ഞു. മൊഹാലി കോര്പറേഷനിലെ ഫലം പ്രഖ്യാപിക്കുന്നത് വ്യാഴാഴ്ചത്തേക്കും മാറ്റിയിട്ടുണ്ട്.
അതേസമയം, ശക്തി കേന്ദ്രങ്ങളില് പോലും ബിജെപി ദയനീയമായി പരാജയപ്പെട്ടു .
പുതിയ കാര്ഷിക നിയമങ്ങള് പാസാക്കിയ ശേഷം നടക്കുന്ന ആദ്യതെരഞ്ഞെടുപ്പില് ബിജെപിക്കെതിരേ ശക്തമായ ജനരോഷമാണ് കാണാന് സാധിക്കുന്നത്.
