തിരുവനന്തപുരം: പ്രളയ സെസിന്റെ കാലാവധി ഇന്നലെ അവസാനിച്ചതോടെ സാധനങ്ങളുടെ വില ഇന്നുമുതല് ഒരു ശതമാനം കുറയും. അഞ്ചു ശതമാനത്തില് കൂടുതല് നികുതി ഈടാക്കുന്ന സാധനങ്ങള്ക്ക് ഒരു ശതമാനവും സ്വര്ണത്തിനും വെള്ളിക്കും 0.25 ശതമാനവുമാണു വില കുറയുന്നത്.
നിലവില് 12, 18, 28 ശതമാനം ചരക്കുസേവന നികുതി ഈടാക്കുന്ന സാധനങ്ങള്ക്ക് ഈടാക്കുന്ന ഒരു ശതമാനം പ്രളയസെസാണ് ഇന്നുമുതല് ഒഴിവാക്കുന്നത്. ചെരുപ്പ്, കുട, ബാഗ്, ബിസ്കറ്റ്, ചോക്ലേറ്റ്, കേക്ക്, ഐസ്ക്രീം, 1000 രൂപയ്ക്കു മുകളിലുള്ള തുണിത്തരങ്ങള്, മിക്സി, ഫാന്, ഇലക്ട്രിക്കല് ഉപകരണങ്ങള്, സിമന്റ്, പെയിന്റ്, ഹാര്ഡ് വെയര് ഉത്പന്നങ്ങള്, നോട്ട് ബുക്ക്, ഷേവിംഗ് ക്രീം, ടൂത്ത് പേസ്റ്റ്, സ്റ്റീല് പാത്രങ്ങള്, മാര്ബിള്, പൈപ്പ്, ബാത്ത്റൂം ഉപകരണങ്ങള്, എല്ഇഡി ബള്ബ്, മെത്ത, എസി, ഗ്രൈന്ഡര്, കാര്, സ്കൂട്ടര്, മൊബൈല് ഫോണ്, കാമറ, സിസിടിവി, കന്പ്യൂട്ടര്, ലാപ്ടോപ്, മോണിറ്റര്, വാഷിംഗ് മെഷീന്, ടിവി, വാട്ടര് ഹീറ്റര്, പ്രഷര് കുക്കര്, എയര് കൂളര് തുടങ്ങിയവയ്ക്കെല്ലാം വില കുറയും.
2019 ഓഗസ്റ്റ് ഒന്നു മുതലാണ് പ്രളയസെസ് ഏര്പ്പെടുത്തിയത്