പുറത്താക്കാതിരിക്കാന് കാരണം കാണിക്കല് നോട്ടീസ് നല്കിയ വൈസ് ചാന്സലര്മാരുടെ ഹിയറിങ് ഗവര്ണര് ഇന്ന് നടത്തും.രാജ്ഭവനില് 11 മണി മുതലാണ് ഹിയറിങ്. വിസിമാര് നേരിട്ടോ അല്ലെങ്കില് വിസിമാര് ചുമതലപ്പെടുത്തിയ അഭിഭാഷകരോ ഹിയറിങ്ങിന് എത്തും. വിദേശത്തുള്ള എംജി വിസിയുടെ ഹിയറിങ് പിന്നീട് നടത്തും. ഇന്നെത്താന് പ്രയാസം ഉണ്ടെന്നാണ് കണ്ണൂര് വിസി അറിയിച്ചിരിക്കുന്നത്. കെടിയു വിസി രാജശ്രീയെ പുറത്താക്കിയ സുപ്രീം കോടതി വിധിയുടെ പശ്ചാത്തലത്തില് ആണ് ഹിയറിങ്.
യുജിസി മാര്ഗ്ഗനിര്ദേശപ്രകാരമുള്ള യോഗ്യത ഇല്ലാത്ത മുഴുവന് വിസിമാരെയും പുറത്താക്കാന് ആണ് ഗവര്ണറുടെ നീക്കം. ഹിയറിങ്ങ് കഴിഞ്ഞാലും കോടതിയില് വിസിമാര് നല്കിയ കേസ് കൂടി പരിഗണിച്ചാകും ഗവര്ണര് അന്തിമ നിലപാട് എടുക്കുക.
