മന്ത്രി കെ.ടി ജലീലിന്റെ രാജി ആവശ്യപ്പെട്ട് സെക്രട്ടേറിയറ്റിനു മുന്നില് പ്രതിപക്ഷ പാര്ട്ടികളുടെ പ്രതിഷേധം ശക്തം. കോണ്ഗ്രസും ബിജെപിയും നടത്തിയ പ്രതിഷേധം അക്രമാസക്തമായി. സ്വര്ണക്കടത്ത് കേസുമായി ബന്ധപ്പെട്ട് മന്ത്രി കെ.ടി. ജലീലിനെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്തതിനെ തുടര്ന്നാണ് പ്രതിഷേധം ഉയര്ന്നത്. വിഷയത്തില് കെ.ടി. ജലീല് ഇതുവരെ പ്രതികരിച്ചിട്ടില്ല.
യുവമോര്ച്ച യൂത്ത് ലീഗ് ഉള്പ്പെടെയുള്ളവരുടെ മാര്ച്ച് മലപ്പുറം ജില്ലയിലെ വിവിധ ഇടങ്ങളില് നടന്നുകൊണ്ടിരിക്കുന്നു. തൃശ്ശൂരിലും കൊല്ലത്തും കോട്ടയത്തും ശക്തമായ പ്രതിഷേധം അരങ്ങേറി.
പലയിടത്തും പ്രവര്ത്തകര്ക്ക് നേരെ പൊലീസ് ജലപീരങ്കി പ്രയോഗിച്ചു.
പ്രവര്ത്തകരെ ബലം പ്രയോഗിച്ച് മാറ്റാനും പൊലീസ് ശ്രമിച്ചു. കോണ്ഗ്രസും ബിജെപിയും നടത്തിയ പ്രതിഷേധം അക്രമാസക്തമായി. ഉന്തുംതള്ളുമുണ്ടായതോടെ യൂത്ത് കോണ്ഗ്രസ് പ്രവര്ത്തകര്ക്ക് നേരെ പോലീസ് ലാത്തിവീശി. നിരവധി പ്രവര്ത്തകര്ക്ക് പരിക്കേറ്റിട്ടുണ്ട്. ജലീലിനെ ഇഡി ചോദ്യം ചെയ്തതിന് പിന്നാലെയാണ് അദ്ദേഹത്തിന്റെ രാജി ആവശ്യപ്പെട്ട് പ്രതിപക്ഷ സംഘടനകള് തെരുവിലിറങ്ങിയത്.
