ന്യൂഡല്ഹി: രാജ്യത്ത് അണ്ലോക്ക് 4 ഇളവുകള് ഇന്ന് മുതല് പ്രാബല്യത്തില് വരും. പൊതു ചടങ്ങുകളില് പരമാവധി 100 പേര് വരെ പങ്കെടുക്കാം. വിവാഹം,മരണാനന്തര ചടങ്ങുകള് എന്നിവയിലും 100 പേര്ക്ക് പങ്കെടുക്കാനാകും. .
സംസ്ഥാനങ്ങള്ക്ക് അകത്തെ യാത്രകള്ക്കും സംസ്ഥാനന്തര യാത്രകള്ക്കും യാതൊരുവിധ നിയന്ത്രണങ്ങളും പാടില്ലെന്നും യാത്രകള്ക്കായി പ്രത്യേക പെര്മിറ്റ് ഏര്പ്പെടുത്താന് പാടില്ല.
അതേസമയം 65 വയസിന് മുകളില് പ്രായമുള്ളവര്ക്കും പത്ത് വയസിന് താഴെ പ്രായമുള്ളവര്ക്കുമുള്ള യാത്രാവിലക്ക് തുടരും.
ഗവേഷക വിദ്യാര്ത്ഥികള്ക്ക് ലാബ് സൗകര്യങ്ങള് ഉപയോഗിക്കാവുന്നതാണ്. ദേശീയ നൈപുണ്യ പരിശീലന കേന്ദ്രം, ഐ.ടി.ഐകള്, ഹ്രസ്വകാല പരിശീലന കേന്ദ്രങ്ങള് തുടങ്ങിയ തൊഴില് പരിശീലന കേന്ദ്രങ്ങള് എന്നിവ തുറക്കാന് അനുമതി നല്കിയിട്ടുണ്ട്.ഓപ്പണ് എയര് തീയേറ്ററുകള്ക്കും ഇന്നുമുതല് പ്രവര്ത്തനാനുമതി ഉണ്ട്. സിനിമാ തീയേറ്ററുകളും സ്വിമ്മിംഗ് പൂളുകളും അടഞ്ഞു കിടക്കും.
കണ്ടെയിന്മെന്റ് സോണിന് പുറത്തുളള സ്കൂളുകളിലെ ഒന്പത് മുതല് 12 വരെ ക്ലാസുകളിലുളള വിദ്യാര്ത്ഥിക്കും 50% അധ്യാപകര്ക്കും അനധ്യാപകര്ക്കും സ്കൂളിലെത്താം. എന്നാല് കേരളത്തില് ഇത് നടപ്പാക്കേണ്ട എന്നാണ് തീരുമാനം.
