വെല്ലിംഗ്ടണ്: ന്യൂസിലന്ഡ് മന്ത്രിസഭയില് ഇനി മലയാളി വനിത. ന്യൂസിലന്ഡ് സര്ക്കാരിലെ ആദ്യ ഇന്ത്യന് മന്ത്രിയായി മലയാളിയായ പ്രിയങ്ക രാധാകൃഷ്ണന്. ലേബര് പാര്ട്ടി എംപിയായ പ്രിയങ്ക രാധാകൃഷ്ണന് സമൂഹിക വികസനം, യുവജനക്ഷേമം, സന്നദ്ധ മേഖല എന്നീ വകുപ്പുകളുടെ ചുമതലയാണ് നല്കിയിരിക്കുന്നത്.
എന്നാല് തൊഴില് സഹമന്ത്രിയുടെ ചുമതല കൂടി പ്രിയങ്ക രാധാകൃഷ്ണന് നല്കിയിട്ടുണ്ട്. രണ്ടാം വട്ടമാണ് പ്രിയങ്ക എംപിയാവുന്നത്. കഴിഞ്ഞ മന്ത്രിസഭയില് മന്ത്രിയായിരുന്ന ജെന്നി സെയില്സയുടെ പേഴ്സണല് സെക്രട്ടറിയായിരുന്നു അവര്.
ലേബര് പാര്ട്ടി സര്ക്കാരിന്റെ രണ്ടാമത്തെ ടേമില് അസിസ്റ്റന്റ് സ്പീക്കര് പദവിയും വഹിച്ചിരുന്നു. എറണാകുളം സ്വദേശിനിയാണ് പ്രിയങ്ക