ഫുട്‌ബോള്‍ ആരാധകര്‍ക്ക് ഇനി ആഘോഷത്തിന്‍്റെ രാവുകള്‍ . ഐഎസ്‌എല്‍ ഏഴാം സീസണിലെ ആദ്യപോരാട്ടത്തില്‍ ഇന്ന് കേരള ബ്ലാസ്‌റ്റേഴ്‌സ് – എടികെ മോഹന്‍ ബഗാനെ നേരിടും. രാത്രി 7.30നാണ് ഉദ്ഘാടനം മല്‍സരം.ഗോവയിലെ ബാംബോലിം ജി.എം.സി. സ്റ്റേഡിയത്തില്‍ഇരു ടീമുകളും ഏറ്റുമുട്ടും . എട്ടുമാസത്തെ ഇടവേളയ്ക്ക് ശേഷമാണ് രാജ്യം ഒരു കായികമല്‍സരത്തിന് വേദിയാകുന്നത്. തുടര്‍ച്ചയായ മൂന്നാം തവണയാണ് കേരള ബ്ലാസ്‌റ്റേഴ്‌സ് – എടികെ മോഹന്‍ ബഗാന്‍ മത്സരത്തോടെ ഐഎസ്‌എല്‍ ആവേശത്തിനു തുടക്കമാകുന്നത്.കോവിഡ് പ്രതിസന്ധിയെ തുടര്‍ന്ന് ഇത്തവണ എല്ലാ ഐഎസ്‌എല്‍ മത്സരങ്ങളും ഗോവയില്‍ നടത്താനാണ് തീരുമാനം .
എല്ലാ സീസണിലും ഗ്യാലറികളെ ഇളക്കി മറിച്ചിരുന്ന ആരാധകര്‍ ഇത്തവണ സ്റ്റേഡിയത്തിന് പുറത്താണ്.
കോവിഡ് വ്യാപനത്തിന്റെ പശ്ചാത്തലത്തില്‍ അടച്ചിട്ട സ്റ്റേഡിയങ്ങളില്‍ മത്സരങ്ങള്‍ നടത്താന്‍ സംഘാടകര്‍ തീരുമാനിക്കുകയായിരുന്നു. എന്നിരുന്നാലും 82 രാജ്യങ്ങളില്‍ ഐഎസ്‌എല്ലിന്‍്റെ തത്സമയ സംപ്രേഷണം ഉണ്ടായിരിക്കും.
സ്റ്റാര്‍ നെറ്റ്‌വര്‍ക്കാണ് ഐഎസ്‌എല്ലിന്റെ ഔദ്യോഗിക സംപ്രേഷണ പങ്കാളി. ഇന്ത്യയില്‍ സ്റ്റാര്‍ സ്പോര്ട്സ് 1 എസ്ഡി, സ്റ്റാര്‍ സ്പോര്‍ട് 1 എച്ച്‌ഡി, സ്റ്റാര്‍ സ്പോര്ട്സ് 2 എസ്ഡി, സ്റ്റാര്‍ സ്പോര്ട്സ് 2 എച്ച്‌ഡി എന്നീ ചനലുകളില്‍ ഇംഗ്ലീഷ് കമന്ററിയോടുകൂടി ഐഎസ്‌എല്‍ മത്സരങ്ങള്‍ കാണാം.മൂന്ന് വേദികളിലായാണ് മത്സരങ്ങള്‍. ജിഎംസി സ്റ്റേഡിയം, തിലക് മൈതാന്‍ സ്റ്റേഡിയം, പണ്ഡിറ്റ് ജവഹര്‍ലാല്‍ നെഹ്റു സ്റ്റേഡിയം എന്നിവിടങ്ങളില്‍ നടക്കുന്ന മത്സരങ്ങള്‍ ആരംഭിക്കുന്നത് ഇന്ത്യന്‍ സമയം 7.30നാണ്.
പ്രാദേശിക ഭാഷകളിലെ കമന്ററി ഇത്ണയും ഐഎസ്‌എല്‍ മത്സരങ്ങളുടെ മാറ്റുകൂട്ടുമെന്നുറപ്പാണ്. മലയാളത്തില്‍ ഏഷ്യനെറ്റ് പ്ലസിലും ഏഷ്യനെറ്റ് മൂവിസിലുമാണ് ഐഎസ്‌എല്‍ മത്സരങ്ങള്‍ തത്സമയം സംപ്രേഷണം ചെയ്യുന്നത്. ഹിന്ദിയില്‍ സ്പോര്ട്സ് 1 എസ്ഡി, സ്റ്റാര്‍ സ്പോര്‍ട് 1 എച്ച്‌ഡി, സ്റ്റാര്‍ സ്പോര്ട്സ് 2 എസ്ഡി, സ്റ്റാര്‍ സ്പോര്ട്സ് 2 എച്ച്‌ഡി എന്നീ ചനലുകളിലും മത്സരങ്ങള്‍ കാണാം.
മറ്റ് പ്രാദേശിക ചാനലുകള്‍: സ്റ്റാര്‍ സ്പോര്‍ട്സ ബാംഗ്ല, സ്റ്റാര്‍ സ്പോര്ട്സ് കന്നഡ, സ്റ്റാര്‍ സ്പോര്ട്സ് തമിഴ്, സ്റ്റാര്‍ സ്പോര്ട്സ് തെലുങ്കു, സ്റ്റാര്‍ സ്പോര്ട്സ് മറാത്തി.
മത്സരങ്ങള്‍ ഓണ്‍ലൈനില്‍ ഡിസ്നി പ്ലസ് ഹോട്ട്സ്റ്റാര്‍ ആപ്ലിക്കേഷനില്‍ വിഐപി അക്കൗണ്ട് വഴിയും ജിയോ ടിവിയിലും കാണാന്‍ സാധിക്കും.യപ്പ് ടിവിയിലൂടെ യൂറോപ്യന്‍ രാജ്യങ്ങളിലുള്ളവര്‍ക്കും ലാറ്റിനമേരിക്കന്‍ രാജ്യങ്ങളിലുള്ളവര്‍ക്കും ഐഎസ്‌എല്‍ മത്സരങ്ങള്‍ കാണാം. മിഡില്‍ ഈസ്റ്റിലും ഏഷ്യനെറ്റ് പ്ലസിലാണ് ഐഎസ്‌എല്‍ സംപ്രേഷണം. ഓസ്ട്രേലിയയില്‍ ഫോക്സ് സ്‌പോര്‍ട്സിലും അമേരിക്കയിലും കാനഡയിലും ഇഎസ്പിഎന്നിലും മത്സരങ്ങള്‍ കാണാം.
