തിരുവനന്തപുരം : മോട്ടോര് വാഹന പണിമുടക്കിനെ തുടര്ന്ന് ചൊവ്വാഴ്ച നടത്താനിരുന്ന ഹയര് സെക്കന്ഡറി, വൊക്കേഷണല് ഹയര് സെക്കന്ഡറി പരീക്ഷകള് മാര്ച്ച് എട്ടിലേക്ക് മാറ്റി. എസ്എസ്എല്സി പരീക്ഷയും മാറ്റിവെച്ചു. പരീക്ഷ എട്ടാം തീയതി നടത്തിയേക്കും.
രാവിലെ 6 മുതല് വൈകിട്ട് 6 വരെയാണ് പണിമുടക്ക്. ബി.എം.എസ് ഒഴികെയുള്ള എല്ലാ ട്രേഡ് യൂണിയനുകളും പണിമുടക്കില് പങ്കെടുക്കും. കെ.എസ്.ആര്.ടി.സിയും സ്വകാര്യ ബസ് സംഘടനകളും പണിമുടക്കില് സഹകരിക്കുമെന്ന് സമരസമിതി നേതാക്കള് അറിയിച്ചു.
ഓട്ടോറിക്ഷ, ടാക്സി, സ്വകാര്യ ബസ്, കെ.എസ്.ആര്.ടി.സി ബസുകള് തുടങ്ങിയവയൊന്നും നാളെ നിരത്തിലിറങ്ങില്ല. പാല്, പത്രം, ആംബുലന്സ്, വിവാഹ വാഹനങ്ങള് തുടങ്ങിയവയെ പണിമുടക്കില് നിന്ന് ഒഴിവാക്കിയിട്ടുണ്ട്.
