സിബിഎസ്ഇ പന്ത്രണ്ടാം ക്ലാസ് പരീക്ഷ നടത്തിപ്പുമായി ബന്ധപ്പെട്ട തീരുമാനം ചൊവ്വാഴ്ചയോടെ ഉണ്ടാകുമെന്ന് റിപ്പോര്ട്ട്. സംസ്ഥാനങ്ങളുടെ നിലപാട് അറിഞ്ഞ് അന്തിമതീരുമാനം കൈകൊള്ളാനാണ് നീക്കം. ഇതിനായി സംസ്ഥാനങ്ങളുടെ നിലപാട് എഴുതിയറിയിക്കാന് കേന്ദ്രം നിര്ദേശിച്ചിട്ടുണ്ട്.പന്ത്രണ്ടാം ക്ലാസ് പരീക്ഷ ഒഴിവാക്കാനാണ് സാധ്യത. വിദ്യാര്ഥികളുടെ 9,10,11 ക്ലാസുകളിലെ മാര്ക്കുകള് പരിഗണിച്ച് ഇന്റേണല് മാര്ക്ക് നല്കുന്ന കാര്യമാണ് ആലോചനയിലുള്ളത്.19 വിഷയങ്ങളില് ഓഗസ്റ്റില് പരീക്ഷ നടത്തുന്നത് സംബന്ധിച്ച് ഒരു നിര്ദേശം സിബിഎസ്ഇയും കേന്ദ്രസര്ക്കാരും മുന്നോട്ട് വച്ചിരുന്നു.
പരീക്ഷയുടെ സമയദൈര്ഘ്യം കുറയ്ക്കുന്നതാണ് മറ്റൊരു നിര്ദേശം. മൂന്നു മണിക്കൂറിനു പകരം ഒന്നര മണിക്കൂര് അവരവരുടെ സ്കൂളുകളില് തന്നെ പരീക്ഷയെഴുതുന്ന രീതിയിലാണ് ഈ ക്രമീകരണം. ഈ നിര്ദേശങ്ങളും ഇപ്പോള് പ്രധാനമന്ത്രിയുടെ ഓഫിസിന്റെ പരിഗണനയിലാണ്.
