കോവിഡിനെതിരെ റഷ്യ വികസിപ്പിച്ച സ്പുട്നിക് വാക്സിന്റെ മൂന്നാം ബാച്ച് ഇന്ത്യയിൽ എത്തി. ഹൈദരാബാദിൽ 30 ലക്ഷം ഡോസ് വാക്സിനാണ് എത്തിയത്. ചൊവ്വാഴ്ച പുലർച്ചെ 3.43ന് പ്രത്യേക ചാർട്ടഡ് വിമാനത്തിലാണ് വാക്സിൻ എത്തിയത്.മേയ് ഒന്നിനാണ് സ്പുട്നിക് വാക്സിന്റെ ആദ്യ ബാച്ച് ഇന്ത്യയിലെത്തിയത്. ഒന്നര ലക്ഷം ഡോസ് വാക്സിനാണ് ഡോ. റെഡ്ഡീസ് ലബോറട്ടറീസ് ഇറക്കുമതി ചെയ്തത്.
മേയ് 16ന് രണ്ടാം ബാച്ചായി 60,000 ഡോസ് വാക്സിനും എത്തി. ഇറക്കുമതി ചെയ്യുന്ന വാക്സിന്റെ ഡോസ് ഒന്നിന് 995 രൂപയാണ് ഈടാക്കുന്നത്.ഇന്ത്യയിൽ ഉപയോഗിക്കാൻ അനുമതി നൽകിയ മൂന്നാമത്തെ വാക്സിനാണ് സ്പുട്നിക്. കോവിഡിനെതിരേ 91.6 ശതമാനം ഫലപ്രദമാണ് ഈ വാക്സിൻ.
