രാജ്യത്ത് കോവിഡ് കണക്കുകൾ കുറയുന്നു. കഴിഞ്ഞ 24 മണിക്കൂറിനിടെ 41,506 പേർക്കാണ് രോഗബാധ സ്ഥിരീകരിച്ചത്. 895 മരണങ്ങൾ കോവിഡ് മൂലമാണെന്നു സ്ഥിരീകരിച്ചു. ഇതോടെ കോവിഡ് രോഗബാധ മൂലം മരണപ്പെട്ടവരുടെ ആകെ എണ്ണം 4,08,040 ആയി ഉയർന്നു.
രാജ്യത്ത് ഇപ്പോൾ കോവിഡ് രോഗബാധയെ തുടർന്ന് ചികിത്സയിൽ കഴിയുന്നവരുടെ എണ്ണം 4.54 ലക്ഷമാണ്. കഴിഞ്ഞ 24 മണിക്കൂറിനിടെ 41,526 പേർ രോഗമുക്തരായി. രാജ്യത്ത് ആകെ ഇതുവരെ 2,99,75,064 പേർ രോഗമുക്തരായി. രോഗമുക്തി 97.20 ശതമാനമാണ്.