വീടുകള്ക്കുള്ളിലെ കൊവിഡ് വ്യാപനത്തിന് പിന്നാലെ ആരോഗ്യവകുപ്പിനെ ഞെട്ടിച്ച് ഹോം ഐസലേഷനില് കഴിഞ്ഞവരിലെ മരണക്കണക്കും.
ഹോം ഐസലേഷനില് കഴിഞ്ഞവരടക്കം 1795 കൊവിഡ് രോഗികള് ആശുപത്രിയിലെത്തിക്കാന് വൈകിയതിനെത്തുടര്ന്ന് മരിച്ചെന്നാണ് അവലോകന റിപ്പോര്ട്ട്. 444 രോഗികള് വീട്ടില് തന്നെ മരിച്ചെന്നും വ്യക്തമാക്കുന്ന റിപ്പോര്ട്ട് ഏഷ്യാനെറ്റ് ന്യൂസിന് കിട്ടി. ഇതോടെ മറ്റസുഖങ്ങളുള്ള കൊവിഡ് രോഗികളോട് അടിയന്തര പരിശോധന നടത്താനും, പരമാവധി ചികിത്സാ കേന്ദ്രങ്ങളിലേക്ക് മാറാനും സര്ക്കാര് നിര്ദേശം നല്കി.
