ദില്ലിയില് ഭൂചലനം. പുലര്ച്ചെ രണ്ട് മണിയോടെയാണ് ഭൂചലനം അനുഭവപ്പെട്ടത്. റിക്ടര് സ്കെയിലില് 6.3 തീവ്രതയുള്ള ഭൂചലനമാണ് ഉണ്ടായിട്ടുള്ളത്.
ദില്ലിയിലുണ്ടായ ഭൂകമ്ബത്തിന്റെ പ്രഭവ കേന്ദ്രം നേപ്പാളാണെന്നാണ് നാഷണല് സെന്റര് ഫോര് സീസ്മോളജി ട്വീറ്റിലൂടെ വ്യക്തമാക്കിയത്. ദില്ലിയിലെ വിവിധ മേഖലകളില് ഭൂകമ്ബം അനുഭവപ്പെട്ടതായാണ് റിപ്പോര്ട്ട്.
നേപ്പാളില് 24 മണിക്കൂറിന്റെ ഉണ്ടായത് 2 ഭൂചലനങ്ങളും ഒരു തുടര് ചലനവും. നേപ്പാള് സമയം 9.07 pm ന് റിക്ടര് സ്കെയിലില് 5.7 രേഖപ്പടുത്തിയ ഭൂചലനം ഉണ്ടായത്. രാത്രി 9.56ന് 4.1ഉം രേഖപ്പെടുത്തി. പുലര്ച്ചെ രണ്ട് പന്ത്രണ്ടിന് 6.3ഉം രേഖപ്പെടുത്തി. ആറുപേര് മരിച്ചു എന്നാണ് കണക്ക് ഇന്ത്യയിലെ നോയിഡയിലും ഗുരുഗ്രാമിലും പത്ത് സെക്കന്റോളം ഭൂചലനം നീണ്ട് നിന്നു.ഭൂചലനം ഉണ്ടായ പ്രദേശത്ത് രക്ഷാപ്രവര്ത്തനത്തിനും തിരച്ചിലിനുമായി നേപ്പാള് സൈന്യത്തെ വിന്യസിച്ചു. നേപ്പാളില് ഭൂചലനത്തില് 5 പേര്ക്ക് പരിക്ക് പറ്റി. നിരവധി വീടുകള് തകര്ന്നു. ദോത്തിയിലെ പലയിടങ്ങളിലും ഭൂചലനത്തെ തുടര്ന്ന് മണ്ണിടിച്ചില് ഉണ്ടായി ഭൂകമ്ബത്തിന്റെ ആഴം 10 കിലോമീറ്ററെന്നാണ് സീസ്മോളജി വകുപ്പ് വ്യക്തമാക്കുന്നത്. ഇതിനാലാണ് ദില്ലിയിലും പരിസരങ്ങളിലും ശക്തമായ ചലനം അനുഭവപ്പെട്ടത്.
