ജക്കാര്ത്ത: ഇന്തോനേഷ്യയില് തുടരുന്ന പ്രളയത്തിലും മണ്ണിടിച്ചിലിലും മരിച്ചവരുടെ എണ്ണം 160 കവിഞ്ഞു. ഇന്തോനേഷ്യയിലെയും കിഴക്കന് തിമോറിലെയും നിരവധി ഗ്രാമങ്ങള് ഒലിച്ചുപോയതായാണ് റിപോര്ടുകള്. നിരവധി പേര്ക്ക് വീട് നഷ്ടപ്പെട്ടു.
സിറോജ കൊടുങ്കാറ്റിനു പിന്നാലെ തുടര്ച്ചയായി പെയ്ത മഴയില് നിരവധിയിടങ്ങളില് മണ്ണിടിയുകയും പ്രളയജലം നിയന്ത്രണാതീതമായി ഉയരുകയും ചെയ്തു. ഇതോടെ മരണസംഖ്യ കുത്തനെ ഉയരുകയാണ്. വീടുകള് തകര്ന്ന് മണ്കൂനകളായതും മരങ്ങള് നിലംപറ്റിയതും രക്ഷാ പ്രവര്ത്തനത്തെയും ബാധിക്കുന്നുണ്ട്. 70 പേരെയാണ് കാണാതായത്.