ഡല്ഹി: സുപ്രധാന ആയുധ കരാറുകളില് ഒപ്പുവെച്ച് ഇന്ത്യയും റഷ്യയും . ഇരുപത്തിയൊന്നാമത് വാര്ഷിക ഉച്ചകോടിക്ക് മുന്നോടിയായി ദില്ലിയില് നടന്ന മന്ത്രിതല കൂടിക്കാഴ്ച്ചയിലാണ് സൈനിക സഹകരണത്തിനുള്ള നിര്ണായക തീരുമാനങ്ങളുണ്ടായത്
AK 203 തോക്കുകള് വാങ്ങുന്നതിനുള്ള കരാറടക്കം സുപ്രധാനമായ കരാറുകളിലാണ് ഇരുരാജ്യങ്ങളും ഒപ്പുവെച്ചത്. കലാഷ്നിക്കോവ് സീരിസിലെ തോക്കുകള് കൈമാറാനുള്ള കരാറില് ഭേദഗതി വരുത്താനും തീരുമാനമായി.
റഷ്യന് പ്രതിരോധമന്ത്രി സര്ജേ ഷൊയ്ഗുവ്, പ്രതിരോധമന്ത്രി രാജ്നാഥ് സിങ്ങുമായും റഷ്യന് വിദേശകാര്യമന്ത്രി സെര്ജെ ലവ്റോവ്, വിദേശകാര്യമന്ത്രി എസ് ജയശങ്കറുമായും നടത്തിയ കൂടിക്കാഴ്ച്ചയിലാണ് നിര്ണായക തീരുമാനങ്ങള്.
