കണ്ണൂർ: റബ്ബർ വിലയിടിവിന് ഒരു പരിഹാരം ഉണ്ടാക്കുവാനും റബ്ബർ കർഷകരുടെ പ്രശ്നങ്ങൾ പരിഹരിക്കുകയും അതുവഴി അവരുടെ സാമ്പത്തിക ഭദ്രത ഉറപ്പുവരുത്തുവാനും വേണ്ടി സ്വാഭാവിക റബറിനു താങ്ങുവില നിശ്ചയിക്കാനും റബര് വിളയ്ക്ക് ഇന്ഷ്വറന്സ് ഏര്പ്പെടുത്താനും കേന്ദ്രസര്ക്കാരിനു നിര്ദേശം നല്കണമെന്നാവശ്യപ്പെട്ട് ഇന്ത്യന് റബര് ഡീലേഴ്സ് ഫെഡറേഷനും ഇൻഫാമും സംയുക്തമായി നൽകിയ ഹര്ജിയിൽ കേന്ദ്രസർക്കാർ സത്യവാങ്മൂലം നല്കണമെന്ന് ഹൈക്കോടതി ഉത്തരവ്. കഴിഞ്ഞ വര്ഷം ഫെബ്രുവരി 13നു വാണിജ്യമന്ത്രാലയം ഇക്കാര്യമാവശ്യപ്പെട്ടു കൃഷിമന്ത്രാലയത്തിനു ശിപാര്ശ നല്കിയിരുന്നു. ഇതു സംബന്ധിച്ച് കൈക്കൊണ്ട തുടർനടപടികൾ അറിയിക്കാനാണ് ഹൈക്കോടതി ആവശ്യപ്പെട്ടിരിക്കുന്നത്. സെപ്റ്റംബർ 25ന് കേസ് പരിഗണിക്കുമ്പോൾ സത്യവാങ്മൂലം നല്കണം.
കഴിഞ്ഞ മാര്ച്ചില് പാര്ലമെന്ററി വാണിജ്യകാര്യ ഉപസമിതി ഈ വിഷയത്തില് തയാറാക്കിയ റിപ്പോര്ട്ട് പാർലമെന്റിന്റെ മേശപ്പുറത്ത് വച്ചിരുന്നു. റിപ്പോർട്ടിലെ ശിപാര്ശകളുടെ അടിസ്ഥാനത്തില് നടപടിയെടുക്കാന് കേന്ദ്രസര്ക്കാരിനും കേന്ദ്ര കൃഷിമന്ത്രാലയത്തിനും നിര്ദേശം നല്കണമെന്നാണു ഹര്ജിയിലെ ആവശ്യം.
